គួរបញ្ជាក់ និងរំលឹកឡើងវិញបន្តិចផងដែរថា កាលពី ថ្ងៃទី ២៨ ខែសីហា ឆ្នាំ ២០២២ កម្មវិធីប្រឡងចម្រៀង លំដាប់ពិភពលោក Cambodian Idol រដូវកាលទី 4 បានរកឃើញម្ចាស់ពានហើយ គឺបានទៅលើ លីម តិចម៉េង ដោយទទួលបានការបោះឆ្នោតច្រើនជាងគេ ក្នុងចំណោមជើងខ្លាំង 3 រូបទៀត គឺ ស៊ឹម ច័ន្ទពន្លឺ, ថុល សុភិទិ និង នាង ដាវីន លាយឡំសំឡេង ស្រែកចង់បែកឆាក ពេលពិធីករ ជា វិបុល ប្រកាសលទ្ធផលនេះចេញមក។
ក្រោយបានពាន តិចម៉េង បានបង្ហាញខ្លួនកម្មវិធីផ្សេងៗ មិនដែលដាច់ឡើយ ចាប់តំាងពីកម្មវិធីតូច ដល់កម្មវិធីធំ អមដោយស្នាមញញឹម គ្រប់ពេល ដោយមិនខ្លាចនឿយហត់ ពិសេស មានហ្វេនៗ ចាំថតជាហូរហែ មិនដែលដាច់ឡើយ។
ចំណែកប៉ុន្មានថ្ងៃនេះ គេឃើញ លីម តិចម៉េង ចាប់ផ្តើម MV បទដំបូងរបស់ខ្លួនហើយ ពិសេស ប៉ះ តារាល្បីៗទៀត មានដូចជា តារាកំប្លែងជើងចាស់ នាយ កុយ, នាយ ក្រឹម និង តារាចម្រៀង ពេជ្រ ថែ ហើយក៏បានបង្ករបរិយាកាស ឡើងផ្អើលពេញផ្សារ មានទំាងលាយស្តាយ៍រាំ បែបកំប្លែង ថែមទៀតផង។
អត់ទាន់អស់ទេ ក្នុងនោះ ក៏បានប៉ះជាមួយ តារាសម្តែងស្រី វ័យក្មេងដ៏ល្បី អ្នកនាង សិទ្ធី នីកា ថែមទៀតផង។ ថតបានប៉ុន្មានថ្ងៃ ធ្វើឲ្យ សិទ្ធី នីកា មិនអស់ចិត្តរឿងមួយ ក៏បានទំលាយចេញមកថា “ថតរាល់ដង ជិះឡាន ជិះម៉ូតូ ប៉ុន្តែថតលើកនេះ សុំជិះក្របីម្តងហើយចាស”។
ឃើញបែបនេះ ធ្វើឲ្យ ហ្វេនៗ ក៏ភ្ញាក់ដែរ ដល់ថ្នាក់ ចូល comment ព្រាតថា ៖ តួប្រុសធ្លាប់ជិះគោ, បង តិចម៉េង ជិះក្របីហើយ ពាក់អាវក្រហមបានទៀត សុំសរសើរ អ្នកក្លាហានដោយស្មោះ, នេះចំជាកំពូលមនុស្សមែន ពាក់អាវក្រហម ជិះក្របីបាន, គ្រាន់តែមើលឈុនក្រៅឆាកក៏សប្បាយដែរ, ក្របីគ្នាថាធ្ងន់ណាស់, គួរអោយស្រលាញ់ខ្លាំងណាស់បង, សមគ្នាណាស់, ពាក់អាវក្រហម ក្របីវ័ធ ឥឡូវហើយ អាយដល, មើលកំលោះតូចគេអៀនហ៎។
តោះដើម្បីជ្រាបបន្ថែមទៀត សូមមើលវីដេអូខាងក្រោមនេះ ទំាងអស់គ្នា ៖
បើអត់ឮសំឡេង អាចទស្សនាតាមរយៈ link មួយនេះ ក៏បាន https://fb.watch/fDJeOkp3KJ/
