សូមរំលឹកឡើងវិញបន្តិចផងដែរថា កាលពីថ្ងៃទី ០៥ ខែមិថុនា ឆ្នាំ ២០២២ កម្មវិធី ប្រឡងចម្រៀង លំដាប់ថ្នាក់ ពិភពលោក Cambodian Idol រដូវកាលទី 4 បានឈានដល់ សប្តាហ៍ទី5 ហើយ។ ក្នុងនោះ គេឃើញមានបេក្ខជន មិនតិចនាក់ទេ បានចូលមកប្រកួត ដោយបញ្ចេញសមត្ថភាព អស្ចារ្យ និងប្លែកៗ រៀងៗខ្លួន ជាមួយ ទឹកដមសំនៀង ពីរោះរណ្តំ ជាប់ចិត្ត មួយបែបថ្មីទៀត អមជាមួយការតុបតែងខ្លួន ស្អាតៗ ទាក់ភ្នែកខ្លាំងណាស់។
ស្ថិតនៅពេលវេលាដ៏រំជួល និងកក្រើកនេះ មាននារីដ៏ស្រស់ស្អាតម្នាក់ឈ្មោះ នួន បូលក្ខណ៍ បានលើកយកចម្រៀងមនោសញ្ចេតនាមួយបទ មកធ្វើការប្រកួត បទនេះមានចំណងជើងថា “អូនគិតដល់បង”។
លក្ខណ៍ មិនត្រឹមតែមានរូបរាង ស្អាត ស្រស់ គួរឲ្យគយគន់ប៉ុណ្ណោះទេ ថែមទំាងមានទឹកដម ពីរោះរណ្តំ ផ្អែមល្ហែម ជាប់ចិត្តថែមទៀតផង។ បើទោះជា លក្ខណ៍ មិនទទួលបានពានរង្វាន់ក៏ដោយ ក៏អតីតបេក្ខជនរូបនេះ បានធ្វើឲ្យ គ្រប់គ្នាចងចាំ ពេញចិត្ត មិនប្រួលប្រែឡើយ។
ជាក់ស្តែង កាលពីពេលថ្មីៗនេះ គេឃើញ នួន បូលក្ខណ៍ បានបកស្រាយចម្រៀងមួយបទ នៅភោជនីយដ្ឋាន អលហ្រ្វេនស៍-All Friends ក្រោមចំណងថា “អ្នកណាក៏បាន” ជាសំនៀងដើម ម៉េង កែវពេជ្ជតា ពិតជាពីរោះរណ្តំចិត្តមែនទែន ដល់ថ្នាក់ ធ្វើឲ្យមហាជន មិនតិចនាក់ទេ ទំាងក្នុង និងក្រៅប្រទេស ចូល comment ព្រាតថា ៖
ស្តាយណាស់ គាត់ប្រឡងអត់ជាប់ ដល់វគ្គពាក់កណ្តាលផ្តាច់ព្រ័ត្រ ស្តាយសំឡេងគាត់ណាស់ បើមានផលិតកម្មណាយកបង្ហាត់បន្តិច គាត់អាចនឹងល្បី រូបរាងបានមួយចប់, ពីរោះណាស់ប្អូនស្រី ស្តាប់ហើយ ស្តាប់ទៀត សុំសរសើរអស់ពីចិត្ត រូមទាំងក្រុមភ្លេងផងដែរ បើមានឱកាស ខ្ញុំនឹងទៅស្តាប់ដល់ទីកន្លែងផ្ទាល់ ពីខ្ញុំនៅប្រទេសបារាំង, ស្អាតហើយ ច្រៀងពីរោះទៀត, ស្តាប់មិនចេះធុញទេ ពីរោះម្ល៉េះ, ស្អាតហើយ សំឡេងក៏ពីរោះ ស្រទន់ ផ្អែម, ស្តាប់ម្តងណា ក៏មានអារម្មណ៍រំភើប, ស្តាប់ឡើងព្រឺសម្បុរ ភ្លេងក៏អេមទៀត, អត្ថន័យល្អ សំឡេងលោមបំពេរ។
តោះកុំឲ្យចាំយូរ ទៅស្តាប់ នួន បូលក្ខណ៍ បកស្រាយបទនេះទំាងអស់គ្នា ៖
