គួររំលឹកឡើងវិញបន្តិចផងដែរថា កាលពី ថ្ងៃទី ២៨ ខែសីហា ឆ្នាំ ២០២២ ទើបកន្លងផុតទៅថ្មីៗនេះ កម្មវិធីប្រឡងចម្រៀង លំដាប់ពិភពលោក Cambodian Idol រដូវកាលទី 4 បានរកឃើញម្ចាស់ពានហើយ គឺបានទៅលើ លីម តិចម៉េង ដោយទទួលបានការបោះឆ្នោតច្រើនជាងគេ ក្នុងចំណោមជើងខ្លាំង 3 រូបទៀត គឺ ស៊ឹម ច័ន្ទពន្លឺ, ថុល សុភិទិ និង នាង ដាវីន លាយឡំសំឡេង ស្រែកចង់បែកឆាក ពេលពិធីករ ជា វិបុល ប្រកាសលទ្ធផលនេះចេញមក។
ក្រោយបានពាន តិចម៉េង បានបង្ហាញខ្លួនកម្មវិធីផ្សេងៗ មិនដែលដាច់ឡើយ ចាប់តំាងពីកម្មវិធីតូច ដល់កម្មវិធីធំ អមដោយស្នាមញញឹម គ្រប់ពេល ដោយមិនខ្លាចនឿយហត់ ពិសេស មានហ្វេនៗ ចាំថតជាហូរហែ មិនដែលដាច់ឡើយ។
បន្ទាប់ពីបង្ហាញខ្លួនលើឆាកតន្ត្រី និងកម្មវិធីធំៗជាច្រើនមក ធ្វើឲ្យតារាប្រុសវ័យក្មេងកំពុងល្បីនេះ មានលទ្ធភាពទិញឡានទំនើបមួយគ្រឿងចូលផ្ទះនៅថ្ងៃទី ២៧ ខែមករា ឆ្នាំ ២០២៣ នេះបាត់ មើលទៅឡូយកប់ ញាក់សាច់ហ្មង ពិសេស ស្លាកលេខអេមទៀត ដាក់ថា “LT.MENG9″។ រំភើបពេក តារារូបនេះ បានពោលពាក្យថា “សមាជិកថ្មី កាដូសម្រាប់ខ្លួនឯង ហេងៗ”។
ឃើញបែបនេះ ហ្វេនៗ ភ្ញាក់ព្រឺត រួចចូល comment ព្រាតថា ៖ ស្លាកលេខ ឈ្មោះទៀត ញាក់, ជូនពរប្អូន ជោគជ័យគ្រប់ភារកិច្ច, ស្លាកលេខ ឈ្មោះខ្លួនឯងទៀត, ស្លាកលេខដាក់ឈ្មោះអ៊ីចឹងស្រួលចំណាំជិះដេញតាម, ហេងៗអូនម៉េង, អេមណាស់បេះដូង, ស្លាកលេខស្រួលចាំណាស់, បងម៉េងស្រលាញ់លេខ9ដូចខ្ញុំដែរ, ឃើញហើយសប្បាយចិត្តណាស់ អាយដលដូឡានហើយ, ជោគជ័យលឿនណាស់ម៉េង។
កុំឲ្យចាំយូរ តោះទៅមើលឡានទំនើប របស់ តិចម៉េង ទើបទិញទំាងអស់គ្នា ថា អេមប៉ុណ្ណានោះ ៖
