ស្អាតណាស់ ! ផ្ទុះការសរសើរព្រាត ក្រោយឃើញ សម្រស់គូដណ្តឹង អន្ទិត ប៊ុន សាលួត រហូតមានអ្នកខ្លះថាដូច…(មានវីដេអូ)

គួរបញ្ជាក់ឡើងវិញបន្តិចផងដែរថា កាលពីថ្ងៃទី ២៦ ខែវិច្ឆិកា ឆ្នាំ ២០២០ កន្លងទៅ អន្ទិត ប៊ុន សាលួត បានប្រកាសនៅក្នុងហ្វេសប៊ុករបស់ខ្លួនថា ៖

“ខ្ញុំព្រះករុណា ខ្ញុំបាទ ប៊ុន សាលួត បួសបាន ៣០វស្សា ជាស្ថាបនិកសង្ឃសហគមន៍រុក្ខាវ័ន អតីតព្រះមេគណខេត្តឧត្តរមានជ័យ បានលាចាកសិក្ខាបទ (សឹក) ហើយ កាលពីវេលាម៉ោង 7:30 នាទីព្រឹកមិញនេះ (26/11/2020)។

ខ្ញុំព្រះករុណា ខ្ញុំបាទសូមអភ័យទោសពីសំណាក់ព្រះករុណា ព្រះថេរានុត្ថេរៈគ្រប់ៗព្រះអង្គ ឯកឧត្តម លោកឧកញ៉ា លោកជំទាវ អស់លោក លោកស្រី អ្នកនាងកញ្ញា លោកគ្រូ អ្នកគ្រូ ប្រជាពុទ្ធបរិស័ទ សប្បុរសជនជិតឆ្ងាយទំាងក្នុងនិងក្រៅប្រទេសដែល ខ្ញុំព្រះករុណា ខ្ញុំបាទមិនបានប្រាប់ពីការលាចាសិក្ខាបទរបស់ខ្ញុំ។ សូមទានអធ្យាស្រ័យ សូមអរព្រះគុណនិងអរគុណ!!! ពីខ្ញុំព្រះករុណា ខ្ញុំបាទ ប៊ុន សាលួត!!!”។

លុះមកដល់ ថ្ងៃទី ១១ ខែមករា ឆ្នាំ ២០២១ ទើបកន្លងផុតទៅថ្មីៗនេះ មហាជនជាច្រើន មានការចាប់អារម្មណ៍ និងភ្ញាក់ផ្អើលយ៉ាងខ្លាំង ក្រោយឃើញ អន្ទិត ប៊ុន សាលួត បានសម្រេចចូលរោងភ្ជាប់ពាក្យជាមួយនារីម្នាក់ដ៏ស្រស់ស្អាត។

កម្មវិធីភ្ជាប់ពាក្យនេះ បានរៀបចំធ្វើឡើងនៅ ភូមិសំរោង សង្កាត់សំរោង ក្រុងសំរោង ព្រមទំាងមានការចូលរួមពីសំណាក់ភ្ញៀវកិត្តិយសយ៉ាងច្រើន ប្រកបដោយក្តីសប្បាយរីករាយ គ្រប់ៗគ្នា។

ក្នុងនោះ អ្វីដែលបានធ្វើឲ្យគ្រប់គ្នាចាប់អារម្មណ៍ខ្លាំងបំផុតនោះ គឺនារី ដែលត្រូវជាគូដណ្តឹង របស់ អន្ទិត ប៊ុន សាលួត តែម្តង ពិតជាមានសម្រស់ស្រស់ស្អាត គួរឲ្យគយគន់ណាស់។

ឃើញទិដ្ឋភាពពិធីភ្ជាប់ពាក្យនេះភ្លាម អ្នកប្រើប្រាស់នៅក្នុងបណ្តាញសង្គមហ្វេសប៊ុកជាច្រើន លាន់មាត់សរសើរគ្រប់ៗគ្នាថា ៖ ខាងស្រី ស្អាតណាស់, កូនក្រមុំដូចបារាំងអ៊ីចឹង, ស្អាតសា​ហា​វណាស់, កូនក្រមុំស្អាត ព្រមទំាងនៅមានការសរសើរជាច្រើនទៀត ដែលមិនអាចរៀបរាប់អស់។

តោះដើម្បីជ្រាប កាន់តែច្បាស់បន្ថែមទៀត សូមទស្សនារូបភាព និងវីដេអូខាងក្រោមនេះទំាងអស់គ្នា ​៖

Related posts

Leave a Comment