ប្រិយមិត្តជាច្រើនពិតជាបានជ្រាបរួចមកហើយ ដោយលោក ហុង ភារិន បានទៅចូលរួមប្រកួតកម្មវិធីប្រកួតការចងចាំលំដាប់ពិភពលោកលើកទី២៨ (The 28th world memory championships) ដែលមានការចូលរួមពីបេក្ខជនប្រមាណជាង៥០០នាក់ពីប្រទេសជាច្រើនជុំវិញពិភពលោក កម្មវិធីប្រកួតនេះ បានប្រព្រឹត្តទៅ នៅថ្ងៃទី៥ ខែធ្នូ ឆ្នាំ ២០១៩ ដល់ថ្ងៃទី៧ ខែធ្នូ ឆ្នាំ ២០១៩។ ជាលទ្ធផល លោក ហុង ភារិន បានបញ្ជាក់ប្រាប់ឲ្យដឹងថា៖ “3 ថ្ងៃ ត្រូវបានបញ្ចប់ ហត់មិនធម្មតា។ ៥២០នាក់ដែលចូលរួមប្រកួតសុទ្ធតែអ្នកខ្លាំងលំដាប់ពិភពលោកពិតៗ មិនសរសេីរមិនបាន។ គ្មាននរណាអាចយកឈ្នះនារីៗកូរ៉េខាងជេីង និងនារីៗម៉ុងហ្គោលីបានទេ។ យ៉ាងណាក៏បានបទពិសោធន៌និងបង្ហាញទង់ជាតិអោយគេស្គាល់ដែរ។ សូមអរគុណដល់ថ្នាក់ដឹកនាំគ្រប់ជាន់ថ្នាក់ ព្រមទាំងស្ថានកុងស៊ុលនៅប្រទេសចិន និស្សិតនៅអ៊ូហាន់និងបងប្អូនទាំងអស់ដែលបានជួយលេីកទឹកចិត្ត អរគុណខ្លាំងណាស់។ នឹងខំព្យាយាមហាត់បន្តទៅទៀត៕”។ លោកបន្តថា “រយៈពេល២៨ឆ្នាំនៃការបង្កេីតកម្មវិធីប្រកួតការចងចាំពិភពលោក មិនទាន់មានខ្មែរនាំយកទង់ជាតិមកដល់វេទិកានេះទេ នេះជាបំណងរបស់ខ្ញុំតាំងពីជាង១ឆ្នាំមុនម៉្លេះ ថ្ងៃនេះបានបំពេញបំណងខ្លួនឯងចប់សព្វគ្រប់ហេីយ ចប់ភារកិច្ចហេីយ ត្រលប់ទៅរៀនវិញ ។”។ ក្នុងនោះលោកក៏បានលើកទឹកចិត្ត ដល់ក្មេងជំនាន់ក្រោយ និងយុវជនខ្មែរដែលមានបំណងចង់ហាត់ខួរក្បាល គួរតែរៀនហាត់ចាប់ពីពេលនេះទៅ ដេីម្បីទៅចូលរួមជាមួយរូបគាត់ នៅឆ្នាំក្រោយៗទៀត កុំអោយចាញ់ប្រទេសគេ៕
អានបន្តហុង ភារិន៖ រយៈពេល២៨ឆ្នាំនៃការបង្កេីតកម្មវិធីប្រកួតការចងចាំពិភពលោក មិនទាន់មានខ្មែរនាំយកទង់ជាតិមកដល់វេទិកានេះទេ នេះជាបំណងរបស់ខ្ញុំតាំងពីជាង១ឆ្នាំមុនម៉្លេះ ថ្ងៃនេះបានបំពេញបំណងខ្លួនឯងចប់សព្វគ្រប់ហេីយ
