កាលពីយប់ថ្ងៃទី ២៣ ខែមករា ឆ្នាំ ២០២៣ នៅលើស្ពានជ្រោយចង្វារ មានករណី គ្រោះថ្នាក់ចរាចរណ៍មួយបានកើតឡើង ហើយមួយសន្ទុះក្រោយមក ក៏លេចមុខបុរសម្នាក់ក៏បានមកជួយលើកម៉ូតូ របស់ជនរងគ្រោះ ដោយមិនដឹង ខាងប៉ូលិស កំពុងតែវាស់វែងនោះទេ។ រឿងនេះក៏បានធ្វើឲ្យ លោក សុវណ្ណ រិទ្ធី ដែលជាអ្នកសារព័ត៌មានម្នាក់ មានការខឹងយ៉ាងខ្លាំង ហើយក៏បានធ្វើឲ្យមហាជនមិនតិចនាក់ទេ មានការចាប់អារម្មណ៍យ៉ាងខ្លាំងទៅលើរឿងនេះ មានទំាងការរិះគន់ ផងដែរ។ ក្រោយមើលវីដេអូនេះរួច ធ្វើឲ្យ សម្តេចតេជោ ហ៊ុន សែន មិននៅស្ងៀមទេ ក៏ចេញមុខនិយាយបែបនេះថា “ខ្ញុំគិតថារឿងជ្រោយចង្វារនេះល្មមឈប់ បញ្ឈប់វាទៅ ឈប់បានឈប់ទៅ កុំបន្តទៅទៀត ប៉ុន្តែអ្វីដែលជាការហួសចិត្តនោះ ខ្ញុំអត់យល់ មិនដឹងថាតើ កាញារីទ្ធ គាត់ដោះស្រាយយ៉ាងម៉េច ប្រហែលអ្នកទំាងអស់គ្នាបានឃើញហើយតាមបណ្តាញសង្គម មានអ្នកជិះម៉ូតូដួល ហើយមានអ្នកមកជួយលើក ខុសត្រូវយ៉ាងណាវាជារឿងមួយ ក៏ប៉ុន្តែស្ទះចរាចរណ៍លើស្ពានវាមិនគួរឲ្យកើតមានទេ ការជួយគ្នាគឺជារឿងចាំបាច់ តែអ្វីដែលជារឿងឆ្គងគឺត្រង់ថា អ្នកសុំទោសមិនបានសុំទោសប៉ូលិសឯណា គាត់សុំទោសអ្នកកាសែត តើអ្នកកាសែតហ្នឹង មានសិទ្ធអីគាត់…”។ សម្តេចបន្តថា “រឿងយ៉ាងណាក៏ដោយតែរឿងវាអត់សមហេតុ សមផលទេនូវការប្រើពាក្យសំដីបែបនេះបើខ្លួនជាប៉ូលិសខ្ញុំមិនថាទេ ប៉ុន្តែខ្លួនជាអ្នកគ្រាន់តែមានទូរស័ព្ទមួយ live ទៅ ហើយសំដីតែប៉ុណ្ណឹង អ៊ីចឹងបង្កើតបានមួយរឿង មួយឈុតធំទៅ ប៉ុន្តែអ្នកខ្លះក៏មានមតិជ្រុលហួសដែរ ថាគួរតែលប់ចោលអាជ្ញាប័ណ្ណស្អីៗ អ្នកខ្លះរហូតទៅដល់ថាសុំឲ្យព្រះរាជអាជ្ញាធ្វើការចោទប្រកាន់ វាអត់ត្រូវទេ ឈប់បានឈប់ទៅ…”។ ដើម្បីជ្រាបបន្ថែមទៀត សូមទស្សនាវីដេអូខាងក្រោមនេះ ទំាងអស់គ្នា ៖
អានបន្តថាមែនៗ ! ទីបំផុត សម្តេចតេជោ ហ៊ុន សែន ចេញមុខនិយាយរឿង ជម្លោះរវាងអ្នកសារព័ត៌មាន និងអ្នកជួយលើកម៉ូតូ នៅលើស្ពានជ្រោយចង្វារហើយ ដោយដាក់ចំៗថា “អ្នកខ្លះក៏មានមតិជ្រុលហួសដែរ ថាគួរតែ…” (មានវីដេអូ)
